سێ سه‌ركرده‌ی دیاری داعش له‌رۆژئاوای موسڵ كوژران

وه‌زاره‌تی‌ به‌رگری‌ عیراق سێ سه‌ركرده‌ی دیاری داعش  له‌رۆژئاوای موسڵ راگه‌یاند، له‌ئه‌نجامی‌ گورزێكی ئاسمانی فرۆكه‌كانی هێزی ئاسمانی عیراق بۆسه‌ر ماڵێكی ناوچه‌ی (موسڵی نوێ).

وه‌زاره‌ته‌كه‌ له‌سه‌ر ماڵپه‌ڕی‌ فه‌رمی‌ خۆی‌ بڵاویكرده‌وه‌، ئه‌مڕۆ چوارشه‌ممه‌ له‌سه‌ر بنه‌مای زانیاری به‌رێوه‌به‌رایه‌تی هه‌واڵگری سه‌ربازی سوپای عیراق، فرۆكه‌ جه‌نگییه‌كانی هێزی ئاسمانی هێرشێكیان كردۆته‌سه‌ر ماڵێك له‌ گه‌ڕه‌كی موسڵی نوێی به‌شی رۆژئاوای موسڵ و له‌ ئه‌نجامدا سێ به‌رپرسی داعش به‌  ناوه‌كانی محمه‌د فه‌تحی حه‌سه‌ن ئه‌لجبوری، به‌رپرسی رێكخستنی  سه‌ربازی به‌ری رۆژئاوای موسڵی داعش، و یاریده‌ده‌ره‌كه‌ی ئه‌حمه‌د عه‌بدوڵا نه‌واف ناسراو به‌  (دسۆ جبوری) و ئه‌بو ئه‌نه‌س، به‌رپرسی كرده‌وه‌ خۆكوژییه‌كانی داعش كوژراون.

19ی شوباتی ئەمساڵ قۆناغی دووەمی ئۆپەراسیۆنی رزگاركردنی موسڵ دەستیپێكرد، لەماوەی چەند هەفتەی رابردووشدا هێزەكانی پۆلیسی فیدراڵی و یەكەكانی بژاردەی وەزارەتی ناوخۆ بەرەوپێشچوونی بەرچاویان لەخۆرئاوای موسڵ بەدەستهێناوە.

ئه‌مڕۆ حه‌شدی‌ شه‌عبی‌ و فه‌رمانده‌یی پرۆسه‌كانی‌ نه‌ینه‌وا، كۆنتڕۆڵكردنه‌وه‌ی‌ ناحیه‌ی‌ بادوش-یان له‌ خۆرئاوای‌ به‌شی‌ راستی‌ موسڵ راگه‌یاند.

فه‌ریق شاكر جه‌وده‌ت فه‌رمانده‌ی‌ پۆلیسی‌ فیدراڵی‌ عیراق ئه‌مڕۆ به‌خه‌ندانی‌ راگه‌یاند، له‌ 19 ی‌ شوباته‌وه‌ تائێستا 57 گه‌ڕه‌ك و گوندو ده‌زگاو شوێن له‌لایه‌ن هێزه‌ عیراقییه‌كانه‌وه‌ كۆنتڕۆڵكراونه‌ته‌وه‌ به‌روبه‌ری‌ 246 كیلۆمه‌تر.

وتیشی‌ “دوای‌ كۆنتڕۆڵكردنی‌ پردی‌ كۆنی‌ موسڵ، له‌ ئێستادا هێزه‌كانی‌ پۆلیس كه‌متر له‌ 800 مه‌تر له‌ مزگه‌وتی‌ گه‌وره‌ی‌ شاره‌كه‌وه‌ دورن”.

بابەتی دواتر

كرێکارێک لەکاتى کارکردندا لە قەزای شارەزوور بەهۆى تەزووى کارەباوە گیانى لەدەستدا

كرێکارێک کە لە نەتەوەى عەرەبە لەکاتى کارکردندا لە قەزای شارەزوور بەهۆى تەزووى کارەباوە گیانى لەدەستدا. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *