سەرکردەکانی جیهان پیرۆزبایی لە ئەردۆغان دەکەن

بەبۆنەی سەرکەوتنی لە ھەڵبژاردنەکانی تورکیادا، سەرۆکوەزیرانی ھەنگاریا، ڤیکتۆر ئۆربان و سەرۆکی دەسەڵاتدارییەتی فەڵەستین، مەحمود عەباس پەیوەندی تەلەفۆنییان لەگەڵ سەرکۆماری تورکیا، رەجەب تەیب ئەردۆغان ئەنجامدا.

بەپێی ئەو زانیاریانەی گەیشتووەتە دەست ئاژانسی ئانادۆڵو، عەباس و ئوربان پەیوەندییان بە ئەردۆغانەوە کردووە و بەبۆنەی سەرکەوتنی لە ھەڵبژاردنەکانی سەرۆکایەتی کۆماری وڵاتەکەیدا، پیرۆزبایان لێ کردووە.

هاوکات وەزیری دەرەوەی یۆنان، نیکۆس کۆجیاس، وەزیری دەرەوەی غانا، مامادی تاوەر، وەزیری دەرەوەی ھەنگاریا، پیتەر سجارتۆ، جێگری سەرکۆماری ڤەنزوێلا، تارێک ئەلئەیسام لە پەیوەندی تەلەفۆنیدا لەگەڵ وەزیری دەرەوەی تورکیا، مەولود چاوشئۆغڵو پیرۆزباییان ئاراستەکردووە بەبۆنەی سەرکەوتنی ئاک پارتی لە ھەڵبژاردنەکاندا.

سه‌رۆكوه‌زیرانی توركیا، بینالی یڵدرم پیرۆزبایی سه‌ركه‌وتنی هه‌ڵبژاردنی له‌ سه‌ركۆماری توركیا ره‌جه‌ب ته‌یب ئه‌ردۆغان كرد.

سه‌رچاوه‌كانی سه‌رۆكایه‌تی وه‌زیران ئاماژه‌ به‌وه‌ ده‌ده‌ن كه‌ یڵدرم له‌ رێگای ته‌له‌فۆنه‌وه‌ په‌یوه‌ندی به‌ ئه‌ردۆغانه‌وه‌ كردووه‌ و پیرۆزبایی سه‌ركه‌وتنی هه‌ڵبژاردنی لێكردووه‌.

یڵدرم هیوایشی خواستووه‌ كه‌ سیسته‌می نوێی حوكمڕانی له‌ توركیا ببێته‌ مایه‌ی خێر و خۆشی بۆ خه‌ڵكی توركیا.

یڵدرم لە په‌یوه‌ندییه‌كی ته‌له‌فۆنی دیکەدا له‌گه‌ڵ سه‌رۆكی گشتی مه‌هه‌په‌ ده‌وله‌ت باخچه‌لی پیرۆزبایی له‌ ناوبراوكرد به‌هۆی ئه‌و سه‌ركه‌وتنه‌ی له‌ ئاكامی هاوپه‌یمانێتیی كۆمار له‌ نێوان ئاك پارتی و مه‌هه‌په‌ هاته‌ دی.

جێگری پاتریاکی کریستییانە سیرییانییەکان پیرۆزبایی له‌ سه‌ركۆماری توركیا، ره‌جه‌ب ته‌یب ئه‌ردۆغان كرد به‌بۆنه‌ی سه‌ركه‌وتنی له‌ هه‌لبژاردنه‌كانی وڵاته‌كه‌یدا.
سه‌ركۆماری پاكستان، مەمنون حوسه‌ین، پیرۆزبایی له‌ سه‌ركۆماری توركیا، ره‌جه‌ب ته‌یب ئه‌ردۆغان كرد به‌بۆنه‌ی سه‌ركه‌وتنی له‌ هه‌ڵبژاردنه‌كاندا.
سەرۆکی یەکێتی وەقفی ئەرمەنییەکان بەدرۆس شیرینئۆغڵو پیرۆزبایی له‌ سه‌ركۆماری توركیا، ره‌جه‌ب ته‌یب ئه‌ردۆغان كرد به‌بۆنه‌ی سه‌ركه‌وتنی له‌ هه‌لبژاردنه‌كانی وڵاته‌كه‌یدا.
خاخامی گەورەی یەهودییەکان، ئیسحاق حالەوا بەبۆنەی سەرکەوتنی لە هەڵبژاردنی سەرۆکایەتی کۆماری تورکیادا، پیرۆزبایی لە رەجەب تەیب ئەردۆغان کرد.
سەرکۆماری سربیا، ئەڵێکساندەر ڤوجیج پیرۆزبایی لە سەرکۆماری تورکیا، رەجەب تەیب ئەردۆغان کرد بەھۆی سەرکەوتنی لە ھەڵبژاردنەکاندا.
سەرۆکی کۆمەڵەی موسەوی تورک، ئیسحاق ئیبراھیمزادە، پیرۆزبایی لە سەرکۆماری تورکیا، رەجەب تەیب ئەردۆغان کرد بەبۆنەی سەرکەوتنی لە ھەڵبژاردنەکانی وڵاتەکەیدا.
ب.هـ

بابەتی دواتر

دادگای باڵای عێراق بڕیاری ئازادكردنی بۆ 2626 خۆپیشاندەر دەركرد

دادگای باڵای عێراق بڕیاری ئازادكردنی بۆ دوو هەزار و ٦٢٦ خۆپیشاندەر كە لەخۆپیشانانەكاندا دەستگیركرابوون، دەركرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *