هەڵەبجە؛ هاوكاری بەسەر چەندين خوێندكاری خاوەن پێداویستی تایبەتدا دابەشكرا

ئەمڕۆ لەهۆڵی مۆنۆمێنتی یادگاری لە شاری هەڵەبجە، بە ئامادەبونی وەزیری كار و كاروباری كۆمەڵایەتی و پارێزگار و چەند بەرپرسێكی حكومی و حزبی و كەسوكاری منداڵە خاوەن پێداویستییە تایبەتەكان، تۆڕی بەرگری لە مافەكانی منداڵ لەمەراسیمێكدا هاوكاری بەسەر ١٦٥ خوێندكاری خاوەن پێداویستی تایبەت لە پارێزگاى هەڵەبجە كرد.

سەرەتای مەراسیمەكەش بەخولەكێك وەستان بۆ گیانی پاكی شەهیدانی هەڵەبجەو كوردستان دەستیپێكرد، پاشان مەریوان وەهبی،  سەرۆكی ڕێكخراوی كەمئەندامانی هەڵەبجە وتاری بەخێرهاتن خوێندەوە و ڕایگەیاند:”وێڕای بەخێرهێنانی وەزیری كارو كاروباری كۆمەڵایەتی و میوانان، دەستخۆشی خۆمان ئاڕاستەی وەزیر و تۆڕی بەرگری لە مافەكانی منداڵ دەكەین كە ئەمڕۆ هەستاون بە دابەشكردنی ئەو هاوكارییە بەسەر ژمارەیەك لە خوێندكاری خاوەن پێداویستی تایبەت، ئەمەش لە كاتێكدایە كە تۆڕی بەرگری لەمافەكانی منداڵ ماوەیەك پێش ئێستا سەردانی ڕێكخراوەكەمانی كرد و داوای هاوكاری و بەستنی پەیوەندیان لێكردین و ئێمەش بەخۆشحاڵیەوە هەوڵی جدیماندا لەو بوارەدا”.

مەریوان وەهبی، وتیشی:”لە چوارچێوەی پەیوەندیەكانیشمان ئەو تۆڕە بڕیاریدا كە چەندین چالاكی لە هەڵەبجە ئەنجام بدات و ئێمەش بەباشمان یەكەمین چالاكیان بریتی بێت لە هاوكاریكردنی خوێندكارانی خاوەن پێداویستی تایبەت و پاش ناردنی ناوەكان ئەمڕۆ ئەو هاوكاریانەیان هێنایە هەڵەبجە و لەم مەراسیمەدا دابەشیانكرد”.

دواتر محەمەد هاودیانی، وەزیری كار و كاروباری كۆمەڵایەتی حكومەتی هەرێم وتەیەکی پێشكەشكردو وتی:”بەبۆنەی كۆبونەوەی ئەنجومەنی وەزیران نەمانتوانی بەشداری لەیادی ٢٩ ساڵەی تاوانی كیمیابارانی هەڵەبجە بكەین، هەر بۆیە ئەم بۆنەیەمان بە باشزانی كە لەگەڵ تۆڕی بەركری لەمافەكانی منداڵ بەمەراسیمێك ئەو هاوكاریانە بەسەر خوێدكارانی خاوەن پێداویستی تایبەت دابەشبكەین”.

محەمەد هاودیانی، وتیشی:”وەكو وەزارەتی كار و كاروباری كۆمەڵایەتی لە ڕابردوودا هەوڵی زۆرمانداوە بۆ خزمەتكردنی هەڵەبجە، بە تایبەت پاش ئەوەی كە بڕیاری بەپارێزگابوونی بۆ دەرچوو وەكو یەكەم وەزارەت بەڕێوەبەرایەتی هەڵەبجەمان كردە گشتی، بۆ زیاتر خزمەتكردنی خاوەن پێداویستییە تایبەتەكان و لەگەڵ ئەوەشدا پاش سەردانی چەند وڵاتێكی ئەوروپی لیژنەیەكی پزیشكی پسپۆڕمان هێناوەتە شارەكە بۆ بینینی بریندارانی چەكی كیمیایی و هەوڵی چارەسەركردنیان”.

بابەتی دواتر

فەرمی.. کات و شوێنی کلاسیکۆی ئیسپانیا دیاریی کرا

کلاسیکۆی بەرشەلۆنەو ریاڵ مەدرید لە 18ی مانگی 12 لەکاتژمێر 10ی شەو ئەنجام دەدرێت. رابیتەى خولی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *