كامیل مەحمود: هێزە عەلمانیەكانی كوردستان لەپێناو مانەوەی خۆیان پەنا بۆ دوژمنی خۆیان دەبەن

باسك نێت

وتەبێژی بزووتنەوەی ئیسلامی رایدەگەیەنێت، هێزە عەلمانییەكانی كوردستان لەبەرامبەر یەكتردا پەنا بۆ دوژمنی خۆیان و گەلەكەیان دەبەن و خۆیان دەكەنە كەواسووری بەر لەشكری داگیركەرانی كوردستان.
كامیل مەحمود وتەبێژی بزووتنەوەی ئیسلامی لە هەژماری خۆی لە تۆڕی كۆمەڵایەتی فەیسبوك لەيادى كارەساتى(٣١ى ئابى ١٩٩٦)دا ئاماژەی بۆ ئەوە كردووە، لەرۆژێكی وەك ئەمڕۆدا پارتی دیموكراتی كوردستان بۆ پارێزگاری لەبوون و مانەوەی حزبەكەی پەلكێشی سوپای وێرانكەری بەعسی كردو پەرلەمان و دامەزراوەكان و پایتەختی هەرێمی خستەوە ژێر پۆساڵی رەشی ئەو سوپایەی دەیان ساڵە كورد رەشەكوژ دەكات.

وتیشی، ئەمە یەكەمجار نییە هێزە عەلمانییەكانی كوردستان لەبەرامبەر یەكتردا پەنا بۆ دوژمنی خۆیان و گەلەكەیان دەبەن و خۆیان دەكەنە كەواسووری بەر لەشكری داگیركەرانی كوردستان.

ئاشكراشیكرد، ٣١ی ئاب پەڵەیەكی رەشە لەمێژووی سیاسی كوردو ئەو دوو حزبەدا كە وەك یەك ئەم جۆرە رەفتارانەیان نوواندووە.

رونیشیكردەوە، هەندێ لەهێزەكانى یەكێتیش لە١٦ی ئۆكتۆبەردا ڕێگای بۆ حەشدی شەعبی و سوپای عێراق كردەوە كەركووك و هەموو ئەو ناوچانە گرتەوە كە لەدوای راپەڕینەوە بەهاوبەشی بەڕێوەدەچوون.

كامیل مەحمود وتیشی، لەهەر وڵاتێك هەر حزب‌و لایەنێك ڕەفتاری لەم شێوەیە بنوێنێت‌و دەس لەگەڵ بكوژی رۆڵەكانی گەلەكەیدا تێكەڵ بكات دەكەوێتەبەر نەفرەتی ئەو گەلە، بەڵام بەداخەوە هێشتا ئەمانە لەم وڵاتەدا ئەسپیان سوارەو بەخەڵكی رابردووپاكی وەك ئیسلامییەكان دەڵێن دۆڕاو.

بابەتی دواتر

دژی کەمبونەوەی کارەبا لە پینجوێن خۆپیشاندان بەڕێوەدەچێت

دژی کەمبونەوەی کاتژمێرەکانی کارەبای نیشتیمانی هاوڵاتیانی قەزای پێنجوێن گردبوونەوە و ڕایانگەیاند، چەند رۆژێکە کارەبای نیشتیمانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *