گه‌ڕه‌كێكی‌ دیكه‌ی‌ خۆرئاوای‌ موسڵ كۆنترۆڵكرایه‌وه‌

ئەمڕۆ يەكشەممە هێزه‌ عیراقییه‌كان گه‌ڕه‌كێكی‌ دیكه‌ی‌ خۆرئاوای‌ موسڵيیان كۆنتڕۆڵكرده‌وه‌و له‌ پێشڕه‌ویدان به‌ره‌و گه‌ڕه‌كه‌كانی‌ دیكه‌.

فه‌رمانده‌ی‌ پڕۆسه‌كانی‌ نه‌ینه‌وا عه‌بدولئه‌میر ره‌شید یارالـله‌، له‌به‌یاننامه‌یه‌كدا رایگه‌یاند:”هێزه‌كانی‌ دژه‌ تیرۆر گه‌ڕه‌كی‌ نابلس-یان ئازادكردووه‌و ئاڵای‌ عیراق-یان به‌رزكردووه‌ته‌وه‌”.

ڕۆژى 19ی شوباتی ئەمساڵ قۆناغی دووەمی ئۆپەراسیۆنی رزگاركردنی موسڵ دەستیپێكرد، لەماوەی چەند هەفتەی رابردووشدا هێزەكانی پۆلیسی فیدراڵی و یەكەكانی بژاردەی وەزارەتی ناوخۆ بەرەوپێشچوونی بەرچاویان لەخۆرئاوای موسڵ بەدەستهێناوە.

هێزه‌كانی حكومه‌تی عێراق گه‌مارۆی چه‌كدارانی‌ داعشيان داوه‌ له‌ گه‌ره‌كی موسڵی‌ كۆن و نزیكتربونه‌ته‌وه‌ له‌و مزگه‌وته‌ مێژووییه‌ی كه‌ ئه‌بوبه‌كر به‌غدادی خه‌لافه‌ته‌كه‌ی تیادا راگه‌یاند له‌نزیكه‌ی سێ ساڵ له‌مه‌وبه‌ردا.

هه‌رچه‌نده‌ باران بارینی زۆر به‌ربه‌ستی له‌به‌رده‌م پێشڕه‌وی دروستكردووه‌، به‌ڵام  سوپا   و یه‌كه‌كانی وه‌ڵامدانه‌وه‌ی خێرا و پۆلیسی فیدراڵی سه‌رله‌به‌یانی رۆژی پێنج شه‌ممه‌ پێشره‌وی زۆریانكرد و  نزیكه‌ی 500 مه‌تر دوورن له‌ مزگه‌وتی (ئه‌لنور) كه‌ مێژووه‌كه‌ی بۆ چه‌ند سه‌ده‌یه‌ك له‌مه‌وبه‌ر ده‌گه‌رێته‌وه‌، ئاڵای ڕه‌شی داعش به‌ڕوونی به‌سه‌ر مناره‌ی به‌ناوبانگی مزگه‌وته‌كه‌وه‌ ده‌بینرێت.

هێزه‌كانی حكومه‌تی عێراق له‌م چه‌ند رۆژه‌ی دوایدا پێشره‌وی به‌رچاو گه‌وره‌یان كردووه‌ و پردی سه‌ره‌كی سه‌رروباری دیجله‌یان كۆنترۆڵكرد و گه‌مارۆ مزگه‌وتی كۆنی موسڵی‌ داوه‌.

بابەتی دواتر

رێكخراوی لێبوردنی نێوده‌وڵه‌تی: له‌ خۆپیشاندانه‌كانی ئێراندا 106 كه‌س كوژراون

رێكخراوی لێبوردنی نێوده‌وڵه‌تی رایدەگەیەنێت، ئێران بە شێوەیەکی نایاسایی بەردەوامە لە کوشتنی خۆپیشاندەران و دەشڵێت: له‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *