‌چوار مووشه‌ك ئاراسته‌ی‌ فڕۆكه‌خانه‌ی‌ به‌سره‌ كرا

سه‌رچاوه‌یه‌كی‌ ئه‌منی‌ عیراقی‌ رایگه‌یاند كه‌ چوار مووشه‌ك ئاراسته‌ی‌ فڕۆكه‌خانه‌ی‌ به‌سره‌ كرا.

ئه‌مڕۆ شه‌ممه‌ كه‌ناڵی‌ سكای‌ نیوزی‌ عه‌ره‌بی‌ له‌ زاری‌ سه‌رچاوه‌یه‌كی‌ ئه‌منی عیراقییه‌وه‌ بڵاویكرده‌وه‌ كه‌ ئه‌مڕۆ شه‌ممه‌ چوار مووشه‌ك ئاراسته‌ی‌ فڕۆكه‌خانه‌ی‌ به‌سره‌ كرا، به‌بێ‌ ئه‌وه‌ی‌ زانیاری‌ زیاتری‌ ئاشكرا بكات.
ئه‌م رووداوه‌ دوای‌ ئه‌وه‌ دێت كه‌ دوێنێ‌ هه‌ینی‌ جارێكی‌ تر هاوڵاتیانی‌ ناڕازی‌ شاری‌ به‌سره‌ ده‌ستیان به‌ خۆپیشاندان كرده‌وه‌ و هێرشیان كرده‌سه‌ر چه‌ند دامه‌زراوه‌یه‌ك و باره‌گایه‌كی‌ حزبی‌ و سووتاندیان.
هاوكات هاوڵاتیانی ناڕازیی ئه‌و شاره‌ هه‌ڵیانكوتایه‌سه‌ر باره‌گای كونسوڵخانه‌ی ئێران له‌ شاری‌ به‌سره‌ و سوتاندیان.

به‌گوێره‌ی‌ وه‌زاره‌تی‌ ته‌ندروستی‌ عیراقیش له‌ ئه‌نجامی‌ توندوتیژییه‌كانی‌ دوێنێدا 3 كه‌س كوژراون و 50ی‌ تر برینداربوون.

به‌وهۆیه‌شه‌وه‌ ده‌سه‌ڵاتدارانی‌ ئه‌منی‌ بڕیاریاندا به‌ قه‌ده‌غه‌كردنی‌ هاتووچۆ له‌ شاره‌كه‌دا و حه‌یده‌ر عه‌بادی‌ سه‌رۆك وه‌زیرانی‌ عیراقیش هێزه‌ ئه‌منییه‌كان راسپارد كه‌ رێوشوێنی‌ ئه‌منی‌ توند بگرنه‌به‌ر بۆ پاراستنی‌ دامه‌زراوه‌ و شوێنه‌ گشتییه‌كان.

بابەتی دواتر

حیجاب، عادەتە یا عیبادەت؟

حیجاب، عادەتە یا عیبادەت؟….لیلی علی عبدالعزیز….سەرەتا پێویستە ئەوە بڵێم ووشەی باڵاپۆشی کە بەمانای حیجاب لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *