فراكسیۆنی بزووتنەوەی ئیسلامی داوای كۆبونەوەی بەپەلەی پەرلەمانی كوردستان دەكات

ئەمڕۆ شەممە چەند موشەكێك بەر بارەگاكانی حزبی دیموكراتی كوردستان لە شاری كۆیە دەكەوێت و چەندین كوژراو برینداری لێكەوتەوە، تا ئێستاش هیچ زانیاریەكی فەرمی لەسەر هێرشبەر و جۆری موشەكەكان ئاشكرا نەكراوە، پەرلەمانتارێكیش داوای كۆبونەوەی پەرلەمانی كوردستان بۆ ئەو مەبەستە دەكات.

ئاری عەبدولەتیف سەرۆكی فراكسیۆنی بزووتنەوەی ئیسلامی بە (باسك نێت)ی راگەیاند، لەسەر بۆردومانی نادیاری كۆیەو قوربانیانی‌و ئەو حاڵەتە نائارام و ترسەی كە باڵی كێشاوە بەسەر ناوچەكەدا، بۆ بەرگرتن لە هەر هەڕەشە و پێشهاتێكی قورس دژی خاك و سەروەریی هەرێمی كوردستان، داوا لە سەرۆكایەتی پەرلەمان دەكەین، دەستبەجێ كۆبونەوەی پەرلەمان ئەنجام بدات.

داواشی كرد، پەرلەمان بە حیكمەتەوە لە دۆخەكە بڕوانێت و بتوانێت بەوپەڕی بەرپرسیارێتییەوە مامەڵەی لەگەڵدا بكات، بە ئاڕاستەی چارەسەر و بەرگرتن لە هەر ڕوداوێكی نەخوازراو، لە خاكی هەرێمی كوردستاندا.

داواش لە خوای گەورە دەكات، هەموو لایەك بپارێزێت و كوردستان دووربێت لە شەڕ و ماڵكاولیی و ئاژاوەی سەربازیی، پرسەش ئاڕاستەی كەسوكاری قوربانیان دەكەین و شیفای بەپەلەش بۆ برینداران ئەخوازین.

بابەتی دواتر

حیجاب، عادەتە یا عیبادەت؟

حیجاب، عادەتە یا عیبادەت؟….لیلی علی عبدالعزیز….سەرەتا پێویستە ئەوە بڵێم ووشەی باڵاپۆشی کە بەمانای حیجاب لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *